Prezident ishtirokida o‘tkazilgan yig‘ilishda energetika tarmoqlaridagi yo‘qotishlar 17,2% ni tashkil etishi qayd etildi. So‘nggi olti oy ichida 4,8 milliard kilovatt-soat elektr energiyasi yo‘qotilgan.

Masalan, Andijonda, shuningdek, Asaka, Yangiobod, Koson, Ko‘kdala, Boysun, Oltinsoy, Qo‘shtepa, Toshloq, Qo‘shrabot va Samarqand tumanlarida yo‘qotish darajasi 25% dan oshadi.

Ta’kidlanishicha, ASKUE (Elektr energiyasini tijorat hisobining avtomatlashtirilgan tizimi) va ASKUG (Gazni tijorat hisobining avtomatlashtirilgan tizimi) 4 yildan ortiq vaqt oldin joriy qilingan bo‘lsa-da, uy xo‘jaliklarida o‘rnatilgan 300 ming gaz va 234 ming elektr hisoblagichlari tarmoqqa ma’lumot uzatmayapti.

Natijada bir qator hududlarda debitorlik qarzi nafaqat qisqarmay, aksincha, o‘sishda davom etmoqda.

Source: uznews.uz