Toshkent, O‘zbekiston – Podrobno.uz. 5-avgust, chorshanba kuni STAR.VISION kompaniyasi Xitoyning Shandun provinsiyasi qirg‘oqlari yaqinidagi dengiz start platformasidan Samarkand-2028 va Lampung-1 giper-spektral sun’iy yo‘ldoshlarini uchirishni amalga oshiradi.

Agentlik ta’kidlashicha, Samarkand-2028 missiyasi O‘zbekistonning kosmik texnologiyalar va sun’iy intellekt sohasidagi salohiyatini xalqaro maydonda namoyish etishda muhim bosqich hisoblanadi. Sun’iy yo‘ldosh “O‘zbekkosmos” agentligi va STAR.VISION kompaniyasi o‘rtasida imzolangan memorandum doirasida amalga oshirilayotgan strategik hamkorlikning amaliy natijasidir.

Samarkand-2028 nomi Avstraliyaning Sidney shahrida bo‘lib o‘tgan kongressda qabul qilingan, 2028-yilda Samarqandda Xalqaro astronavtika kongressini o‘tkazish qarori sharafiga tanlangan.

Loyiha doirasida “O‘zbekkosmos” agentligi mutaxassislari sun’iy yo‘ldoshning bort tizimi uchun maxsus sun’iy intellekt modulini ishlab chiqdilar. Bu modul giper-spektral ma’lumotlarni to‘g‘ridan-to‘g‘ri orbitada qayta ishlash imkonini beradi va Yerni masofadan zondlash samaradorligini sezilarli darajada oshiradi. Olingan ma’lumotlar qishloq xo‘jaligi, ekologiya, tabiiy resurslar monitoringi va boshqa yo‘nalishlarda foydalanish rejalashtirilgan.

Hozirda raketa start kemasi bortiga joylashtirilgan va uchirish joyiga yo‘l olmoqda. Barcha tayyorgarlik ishlari tasdiqlangan jadvalga muvofiq davom etmoqda.

Source: podrobno.uz