Samarqandning «Dinamo» klubi va Qozonning «Rubin» jamoasi o‘rtasidagi kelishuvga ko‘ra, 22 yoshli futbolchi Abubakir Urozov 2026-yil oxirigacha ijaraga berildi. Shartnomada keyinchalik sotib olish sharti ham nazarda tutilgan.

Jizzax viloyatida tug‘ilgan Urozov markaziy himoyachi pozitsiyasida o‘ynaydi. Uning bo‘yi 190 santimetr. «Dinamo» safida u 55 rasmiy o‘yin o‘tkazib, bitta gol urgan va ikkita golli uzatmani amalga oshirgan.

Qozonliklar safida u 13-raqamli forma bilan maydonga tushadi. Urozovning Samarqand «Dinamo»si bilan amaldagi shartnomasi 2027-yil oxirigacha mo‘ljallangan.

O‘zbekiston milliy terma jamoasi safida Urozov oltita o‘yin o‘tkazib, bitta gol urgan. Yozda u 2026-yilgi jahon chempionatida Kolumbiya va DR Kongoga qarshi o‘yinlarda ishtirok etgan.

Source: uznews.uz