Toshkentning Olmazor tumanida kechasi ko'p qavatli uyda yong‘in sodir bo‘ldi. Favqulodda vaziyatlar boshqarmasi xabariga ko‘ra, yong‘in Usta Shirin ko‘chasidagi uyning oltinchi kirish qismidagi elektr qalqonida yuz bergan.

Yong‘in haqida xabar 02:19 da kelib tushgan, 02:25 da esa yong‘in-qutqaruv bo‘linmalari voqea joyiga yetib kelgan. Qutqaruvchilar yong‘inni 03:58 da to‘liq o‘chirishga muvaffaq bo‘lishdi.

Yong‘in natijasida oltinchi kirish qismidagi taxminan 60 metr elektr kabellari zarar ko‘rgan. Qutqaruvchilar yong‘inni o‘chirish vaqtida aholini xavfsiz joyga evakuatsiya qilishdi.

FVV ma'lumotlariga ko‘ra, jabrlanganlar yo‘q. Hozirda mutaxassislar yong‘in sababi va moddiy zarar miqdorini aniqlashmoqda.

Source: podrobno.uz