Farg‘ona viloyatida bir ayol uy hovlisida qarovsiz qolgan itlar uchun haqiqiy boshpana tashkil qildi. Hozirda uning uyida o‘nlab egalari tomonidan tashlab ketilgan itlar yashamoqda.

Farg‘ona viloyati Ekologiya va iqlim o‘zgarishi boshqarmasi matbuot xizmati xabariga ko‘ra, bu haqda 6 avgust kuni nishonlanadigan Xalqaro qarovsiz hayvonlar kuniga bag‘ishlab ma’lum qilindi.

Bugungi kunda Farg‘onadagi xususiy boshpanada 90 ga yaqin it boqilmoqda. Hayvonlar kerakli parvarish va ovqat bilan ta’minlangan. Har kuni ularni boqish uchun 25 kilogrammgacha go‘sht va boshqa ozuqa sarflanadi.

Bundan tashqari, itlarning sog‘lig‘ini veterinarlar nazorat qilmoqda: hayvonlar muntazam tekshiruvlardan o‘tkaziladi, ularga emlashlar qilinadi va nazoratsiz ko‘payishning oldini olish choralari ko‘riladi.

Eslatib o‘tamiz, Toshkent hokimiyati qarovsiz itlar bilan insoniy munosabatda bo‘lish tizimi va ixtisoslashtirilgan boshpana yaratish ustida ish boshlagan.

Source: podrobno.uz