O‘zbekistonda “Shunkor-88” nomli innovatsion dron-tutuvchi qurilma ishlab chiqildi. Ushbu loyiha “Kelajak muhandislari” tanlovi doirasida Ismoilov Bilolxon rahbarligidagi jamoa tomonidan amalga oshirildi.

Ishlab chiquvchilar ma’lumotiga ko‘ra, “Shunkor-88” soatiga 450 kilometrgacha tezlikka erisha oladi va xavfli dronlarni 8–10 kilometr masofadan zararsizlantirishga qodir. Ushbu qurilma havo hududini himoya qilish uchun mo‘ljallangan.

Yangi ishlanmaning asosiy afzalliklaridan biri uning arzonligi hisoblanadi. Taqqoslash uchun: bitta zenit-raketasi 2–5 million dollargacha turadi. Shu bilan birga, bunday dronni ishlab chiqarish taxminan 20–50 ming dollarga baholanmoqda.

Mualliflarning fikricha, bunday texnologiyalar arzon muqobil bo‘lib, mahalliy muhandislik yechimlarini rivojlantirishga yordam beradi.

Eslatib o‘tamiz, avvalroq “Kelajak muhandislari” festivali g‘olibi Ayzada Asanovaga Volkswagen elektromobili topshirilgandi.

Source: podrobno.uz