4-6 sentabr kunlari Samarqandda yosh parlamentariylarning XII global konferensiyasi bo‘lib o‘tadi. Tadbirda 183 davlat, 15 xalqaro tashkilot va 50 ga yaqin doimiy kuzatuvchilarni ifodalovchi qariyb 300 kishi ishtirok etishi kutilmoqda.

Konferensiyani O‘zbekiston Oliy Majlisi Senati va Parlamentlararo Ittifoq birgalikda tashkil etmoqda. Uning asosiy mavzusi murakkab davrda inson huquqlari, adolat va inson qadr-qimmatini tiklash bo‘ladi.

Ishtirokchilar zamonaviy global muammolar, inson huquqlarini himoya qilish, tinchlik va barqarorlikni ta’minlash masalalarini, shuningdek, yoshlarning Barqaror rivojlanish maqsadlariga erishishdagi rolini muhokama qiladilar.

Tadbir doirasida Barqaror rivojlanish maqsadlarini amalga oshirishda parlamentlararo hamkorlik bo‘yicha III Global forum ham o‘tkaziladi. Platforma yosh parlamentariylarga tajriba almashish, aniq tashabbuslarni ilgari surish va amaliy hamkorlikni yo‘lga qo‘yish imkonini berishi kutilmoqda.

Avvalroq O‘zbekiston va AQSh ikki mamlakat qonunchilik organlari qo‘mitalari o‘rtasidagi hamkorlikni kengaytirish, jumladan, parlamentlararo aloqalarni rivojlantirishga kelishgani haqida xabar berilgan edi.

Source: podrobno.uz