Sirdaryo viloyatining Guliston tumanida qo‘riqxona xizmati xodimlari tomonidan 18 yoshli mahalliy yigit tungi soat 03:16 atrofida bankomatni buzishga uringan paytda ushlangan. Voqea “Oltin Vodiy” mahallasidagi Komiliy ko‘chasida joylashgan bankomatda sodir bo‘lgan.

Qo‘riqxona monitoring markaziga bankomatdan avtomatik signal kelib tushgan. Shundan so‘ng tezkor guruh zudlik bilan voqea joyiga yetib borgan. Yetib kelgach, xodimlar qo‘lqop kiygan va yuzini yashirgan yigitni bankomatning tashqi panelini bolta va boshqa asboblar bilan sindirib turganda to‘g‘ridan-to‘g‘ri “ish ustida” qo‘lga olishgan.

Yigit qo‘riqchilarni ko‘rib qochishga uringan, ammo voqea joyida ushlangan. Uning shaxsi tezda aniqlanib, Guliston tumani ichki ishlar bo‘limiga olib ketilgan. Hozirda bu fakt bo‘yicha surishtiruv ishlari olib borilmoqda.

Eslatib o‘tamiz, O‘zbekiston Markaziy banki 6 avgustdan boshlab tijorat banklarini bankomatlardagi texnik nosozliklar va mijozlarga pul mablag‘larini o‘z vaqtida qaytarmaslik uchun jarima solishni boshlagan edi. Bu holat bank xizmatlari sifatiga bo‘lgan talablarni kuchaytirishga qaratilgan.

Source: podrobno.uz