Andijon viloyatida tijorat banki filialining bosh mutaxassisi chet elga chiqish taqiqini olib tashlash evaziga fuqarodan pul olgani uchun hibsga olindi. Bu haqda huquqni muhofaza qilish organlari xabar berdi.

Tergov ma’lumotlariga ko‘ra, bank xodimi fuqaroning kredit qarzi tufayli Majburiy ijro byurosi tomonidan qo‘yilgan chet elga chiqish cheklovini hal qilishni va’da qilgan. U 5,5 million so‘m evaziga muammoni “yechib” berishga kelishgan.

Tezkor tadbir Bosh prokuratura huzuridagi Departamentning Andijon viloyati boshqarmasi xodimlari va boshqa huquqni muhofaza qilish organlari tomonidan o‘tkazilgan. Bank xodimi 5,5 million so‘mni olayotgan paytda qo‘lga olingan.

Hodisa yuzasidan firibgarlik moddasi bo‘yicha jinoyat ishi qo‘zg‘atilgan. Hozirda tergov harakatlari davom etmoqda.

Avvalroq Qo‘qonda bankning kredit bo‘limi mutaxassisi mijozni pul uchun o‘ldirganlikda ayblanib, 18 yilga ozodlikdan mahrum etilgani haqida xabar berilgan edi.

Source: podrobno.uz