O‘zbekiston rahbari Shavkat Mirziyoyev Boku shahrida bo‘lib o‘tayotgan Osiyoda hamkorlik va ishonch choralari bo‘yicha kengashning (OHICHK) yettinchi sammitida ishtirok etib, muhim nutq so‘zladi. Prezident matbuot xizmatining xabar qilishicha, nufuzli anjumanda Isroil, Tojikiston, Turkmaniston, Qirg‘iziston, Qozog‘iston prezidentlari, Qatar amiri hamda qator davlatlar hukumatlari va tashqi siyosat idoralari rahbarlari qatnashdi.

O‘z nutqida davlat rahbari dunyodagi chuqur geosiyosiy o‘zgarishlar va Osiyoning turdagi hududlaridagi qurolli nizolar barchada jiddiy xavotir uyg‘otayotganini qayd etdi. Uning so‘zlariga ko‘ra, bu kabi ziddiyatlar nafaqat mojaro hududlarini qamrab olmoqda, balki mintaqaviy xavfsizlikka putur yetkazib, global iqtisodiyotga va millionlab insonlarning hayotiga salbiy ta’sir ko‘rsatmoqda.

Shavkat Mirziyoyev barcha nizolar faqat tinch yo‘l bilan, siyosiy-diplomatik vositalar orqali hal etilishi zarurligini ta’kidlab, qit’ada qarama-qarshiliklar keskinlashuvining oldini olish muhimligiga e’tibor qaratdi. Shuningdek, u Osiyoda ishonch infratuzilmasini shakllantirish konsepsiyasini ishlab chiqish hamda sun’iy intellekt va iqlim o‘zgarishlariga qarshi kurashish yo‘nalishlarida yangi mintaqaviy tashabbuslarni ilgari surdi.

Source: www.gazeta.uz