Bokuda bo'lib o'tgan Osiyoda hamkorlik va ishonch choralari bo'yicha yig'ilishda O'zbekiston rahbariyati mintaqaviy barqarorlikni ta'minlashga qaratilgan qator takliflarni e'lon qildi. Mamlakat rasmiylari Osiyo mintaqasida qurolli to'qnashuvlar xavfi ortib borayotganidan tashvish bildirib, barcha ziddiyatlarni faqat tinch yo'l bilan, ya'ni siyosiy muloqot va diplomatiya orqali hal qilish zarurligini ta'kidladilar.

Anjuman doirasida O'zbekiston tomonidan Osiyoda ishonch infratuzilmasini shaklitirish bo'yicha Konsepsiyani ishlab chiqish taklif etildi. Ushbu hujjat transport va energetika loyihalari, savdoni kengaytirish, raqamli infratuzilmani rivojlantirish hamda madaniy-gumanitar aloqalarni mustahkamlash kabi ustuvor yo'nalishlarni qamrab olishi ko'zda tutilgan.

Shuningdek, sun'iy intellekt va texnologik xavfsizlik masalasiga alohida e'tibor qaratildi. Prezident Shavkat Mirziyoyev texnologik taraqqiyot nafaqat imkoniyatlar, balki jiddiy xatarlarni ham keltirib chiqarishini, mamlakatlar o'rtasidagi texnologik tafovutni qisqartirish muhimligini aytib o'tdi. Shu maqsad uchun Texnologik ishonch va sun'iy intellektdan mas'uliyatli foydalanish bo'yicha Osiyo tashabbusini boshlash taklif qilindi.

Bundan tashqari, iqlim o'zgarishiga qarshi kurashish maqsadida iqlimiy barqarorlik bo'yicha sheriklikni yo'lga qo'yish, 2027 yilda Inson salohiyatini rivojlantirish forumini o'tkazish va 2028 yilgacha mo'ljallangan Harakatlar dasturini qabul qilish tashabbuslari ilgari surildi.

Source: podrobno.uz