O'zbekiston Respublikasi Prezidenti Shavkat Mirziyoyev tibbiyot va farmatsevtika sohasi xodimlarini kasb bayrami bilan tabriklab, ularni davlat mukofotlari bilan taqdirlash to'g'risidagi farmonni imzoladi. Ushbu hujjat mamlakatimizda sog'liqni saqlash tizimini rivojlantirish, zamonaviy tibbiy texnologiyalarni amaliyotga joriy etish hamda yuqori malakali kadrlar tayyorlash yo'lidagi ko'p yillik fidokorona mehnatlarni e'tirof etish maqsadida qabul qilindi.

Taqdirlanganlar orasida yetakchi tibbiyot muassasalari rahbarlari, tajribali shifokorlar, o'rta tibbiyot xodimlari, farmatsevtlar va boshqa mutaxassislar mavjud bo'lib, ular respublikamizning turli hududlaridan saralab olindi. Jumladan, nefrologiya va buyrak transplantatsiyasi, onkologiya, jarrohlik angionevrologiyasi hamda ko'z mikroxirurgiyasi markazlarining rahbarlari "O'zbekiston Respublikasida xizmat ko'rsatgan sog'liqni saqlash xodimi" faxriy unvoniga sazovor bo'lishdi.

Shuningdek, ro'yxatdan "Fidokorona xizmatlari uchun", "Mehnat shuhrati", "So'g'lom avlod uchun" va "Salomatlik" ordenlari hamda "Jasorat" va "Shuhrat" medallari bilan taqdirlangan ko'plab mahalliy mutaxassislar va xalqaro tashkilotlar vakillari ham o'rin oldi. Xususan, BMT Taraqqiyot dasturining O'zbekistondagi doimiy vakili Akiko Fuji va boshqa xorijiy hamkorlar ham tibbiyot sohasidagi xizmatlari uchun e'tirof etildilar.

Source: podrobno.uz