Joriy yilning yanvar-sentabr oylari davomida respublikada kambağallik darajasi 5,8 foizdan 3,6 foizgacha kamaygani iddao qilinmoqda. Bu haqda Kambağallikni qisqartiriş va bandlik vazirligining rasmiy hisobotida keltirib o'tilgan bo'lib, ijtimoiy-iqtisodiy ko'rsatkichlardagi o'zgarishlar keng jamoatchilik e'tiboriga havola etildi.

Hisobot ma'lumotlariga ko'ra, mamlakatimizda kambağallikdan xoli mahallalar soni sezilarli darajada oshib, 1435 tadan 3627 taga yetgan. Shuningdek, «Ijtimoiy reyestr»ga kiritilgan 429 mingta oilaga ularning daromadlarini oshirish maqsadida 581 mingta maxsus xizmat ko'rsatilgan. Buning natijasida moliyaviy ahvoli yaxshilangani aytilayotgan 440 mingta oila mazkur reyestrdan chiqarilgani qayd etildi.

O'tgan to'qqiz oy ichida 824 ming nafar fuqaro doimiy ish o'rinlariga joylashtirilgani ma'lum qilindi. Shu bilan birga, 4,1 million nafar aholining daromadlarini oshirishga amaliy yordam ko'rsatilgan bo'lib, iqtisodiyotni soyadan chiqarish yo'lidagi sa'y-harakatlar doirasida 980 ming nafar fuqaroning norasmiy bandligi rasmiylashtirilgani bildirilmoqda.

Ta'kidlanishicha, kasb-hunarga o'qitish dasturlari doirasida 96,4 ming kishi o'qishga jalb qilingan. Ushbu kurslarni tamomlagan 59,2 ming nafar bitiruvchidan qariyb 45 ming nafari ish bilan ta'minlangan. Shuningdek, joriy etilgan vauçer tizimi orqali qariyb 130 ming kishiga vauçerlar ajratilib, o'qishni muvaffaqiyatli tamomlagan 56,5 ming kishidan 43 mingdan ortig'i doimiy ishga joylashtirilgan.

Bundan tashqari, yanvar-sentabr oylari mobaynida Onlayn mahalla elektron platformasi orqali jami 7730 ta subsidiya va 8835 ta ssuda arizalari qanoatlantirilgan. Natijada aholiga 64,1 milliard so'm subsidiya (o'tgan yilning mos davriga nisbatan 58,4 foiz o'sish) hamda 79,8 milliard so'm miqdorida ssuda (+31,4 foiz) ajratilgani ma'lum qilindi.

Source: kun.uz