Farg‘ona viloyatida 58 yoshli erkak spirtli ichimlik ichish vaqtida tanishini o‘ldirgani uchun 16 yil ozodlikdan mahrum etildi.

Sud ma'lumotlariga ko‘ra, erkak o‘z uyida tanishi bilan spirtli ichimlik ichgan. Mast holatda ular o‘rtasida janjal kelib chiqqan va bir-birlarini haqorat qilishgan. Mojoro janjallashishga aylangan.

O‘zini tuta olmagan sudlanuvchi oshxona pichog‘ini olib, jabrlanuvchining boshi va ko‘krak qismiga bir necha marta urgan. Jabrlanuvchi uyiga yugurib borishga urungan, biroq eshik oldida yiqilgan. Sudlanuvchi uni quvib yetib, ko‘kragiga yana bir necha marta pichoq urgan. Olgan jarohatlaridan erkak vafot etgan.

Jinoyat ishi Beshariq tuman sudida ko‘rib chiqilgan. Sudlanuvchi Jinoyat kodeksining 97-moddasi 2-qismi "v" va "j" bandlari ("O‘ta shafqatsizlik bilan qasddan odam o‘ldirish, jabrlanuvchi ojiz holatda bo‘lganini bila turib") bo‘yicha aybdor deb topilib, 16 yilga ozodlikdan mahrum qilindi.

Bu mast holda sodir etilgan qotillikning birinchi holati emas. Avvalroq Qashqadaryo viloyatining Kitob tumanida qo‘shnilar o‘rtasidagi janjal pichoq bilan o‘limga sabab bo‘lgan edi.

Source: podrobno.uz