Amerikalik qo‘shiqchi D4vd (haqiqiy ismi Devid Entoni Burk) onlayn tarzda zanjirli arra va belkurak kabi asboblarni sotib olganlikda ayblanmoqda. Prokuratura ma’lumotlariga ko‘ra, u 17 yoshli Seleste Rivas Ernandesni pichoqlab o‘ldirgan.

Yangi ayblovlar ish bo‘yicha keng qamrovli dalillar to‘plami doirasida e’lon qilindi. Unda uning taxminiy motivi va jasadni topilishidan oldin izlarini yashirish uchun qilgan qadamlari batafsil bayon etilgan.

Prokuratura ta’kidlashicha, Burk 13 yoshli Seleste bilan u 18 yoshda bo‘lganida uzoq muddatli jinsiy aloqada bo‘lgan. Matn xabarlari qizning bu noqonuniy munosabatni fosh qilish bilan tahdid qilganini ko‘rsatadi.

Qo‘shiqchi ayblovlarni rad etgan. Uning advokatlari “Devidning aybsizligini qat’iy himoya qilishlarini” va “dalillar Devidning Selestenini o‘ldirmaganligini ko‘rsatishiga ishonishlarini” bildirishgan.

Sud majlisida advokatlar hujjatning e’lon qilinishiga to‘sqinlik qilishga urinishgan, ammo sudya Charlayn Olmedo hujjatni oshkor qilishga ruxsat bergan. Ish bo‘yicha navbatdagi tinglov 15 may kuni bo‘lib o‘tadi.

D4vd TikTokda Romantic Homicide va Here With Me kabi hitlari bilan tanilgan edi. Uning jasadi 2025-yil sentabrida Tesla’sining old bagajida topilgan. Los-Anjeles politsiyasi uni hibsga olgan va unga qarshi yetti jinoiy ayblov, jumladan qotillik va bolani jinsiy zo‘ravonlik qilish ayblovlari qo‘yilgan.

Source: www.bbc.com