Istanbulda olti yoshli O‘zbekiston fuqarosi halok bo‘ldi. Bola tramvay vagonidan chiqayotganda vagon va platforma orasiga tushib ketgan.

O‘zbekistonning Istanbuldagi Bosh konsulxonasi xabariga ko‘ra, fojia 8 iyun kuni Fotih tumanida yuz bergan. Bola ota-onasi bilan Turkiyaga sayyoh sifatida kelgan edi. U og‘ir jarohatlar olib, voqea joyida vafot etgan.

Turkiya huquq-tartibot organlari tergov olib bormoqda. Konsulxona marhumning oilasiga ta’ziya izhor etib, zarur konsullik-huquqiy yordam ko‘rsatmoqda.

Konsulxona vatandoshlarni katta shaharlarda voyaga yetmagan bolalarni qarovsiz qoldirmaslikka chaqirdi, chunki u yerdagi transport va yo‘l infratuzilmasi yuqori harakat intensivligi bilan ajralib turadi.

Avvalroq Turkiyada ikki nafar O‘zbekiston fuqarosining o‘limi haqida xabar berilgan edi. Politsiya 29 yoshli ayolning o‘z joniga qasd qilgani va Sakarya viloyatidagi alyuminiy zavodida 54 yoshli erkakning baxtsiz hodisa oqibatida vafot etganini tekshirmoqda.

Source: podrobno.uz