Braziliya Futbol Konfederatsiyasi (CBF) Neymarning jarohati haqida rasmiy ma’lumot berdi. 34 yoshli hujumchi buzoq mushagining ikkinchi darajali jarohati tufayli ikki-uch haftaga safdan chiqdi.

CBF shifokori Rodrigo Lasmar o‘tkazilgan MRI tekshiruvi natijasida mushak tolalarining qisman yirtilgani aniqlanganini ma’lum qildi. Avvalroq “Santos” klubi shifokori bu shish deb hisoblagan edi.

Neymar seshanba kuni terma jamoaga qo‘shilgan, biroq chorshanba kungi ilk mashg‘ulotni o‘tkazib yuborgan va Teresopolisdagi xususiy klinikada tekshiruvdan o‘tgan edi.

U yakshanba kuni “Marakana” stadionida Panamaga qarshi o‘rtoqlik o‘yinini, keyin esa Klivlendda Misr bilan uchrashuvni o‘tkazib yuboradi. 13-iyun kuni Nyu-Jersida Marokashga qarshi jahon chempionati ochilish o‘yinida ham ishtirok eta olmaydi.

Braziliya terma jamoasi bosh murabbiyi Karlo Anchelotti Neymarni chaqirishda unga alohida munosabat bo‘lmasligini, faqat jismoniy tayyorgarlik va formaga qarab tanlov qilinishini aytgandi.

Neymar 128 ta o‘yinda 79 ta gol urgan bo‘lsa-da, so‘nggi yillarda jarohatlar va “Santos”dagi muvaffaqiyatsizlik bilan kurashmoqda.

Source: www.aljazeera.com