Amerika Qo‘shma Shtatlari prezidenti Donald Tramp Amerika texnologiya kompaniyalariga raqamli xizmat solig‘i joriy qiladigan har qanday davlatga 100 foizlik tarif qo‘llash bilan tahdid qildi. Uning so‘zlariga ko‘ra, yangi tariflar avvalgi kelishuvlarni bekor qiladi.

Tramp bu bayonotni Truth Social’da e’lon qilib, Yevropani asosiy nishon sifatida ko‘rsatdi. U “ko‘plab Yevropa davlatlari Amerika kompaniyalariga raqamli xizmat solig‘ini joriy qilishni muhokama qilmoqda” deb yozdi.

Respublikachi lider ikkinchi muddatida texnologiya sektori bilan yaqin aloqada bo‘lib, ichki tartibga solishni kamaytirish va sun’iy intellekt kabi yangi texnologiyalarni qo‘llab-quvvatlashni va’da qilgan. U va uning ittifoqchilari Yevropadagi kontent moderatsiyasi qoidalarini senzura deb atashgan.

Yevropa Ittifoqi o‘tgan oy AQSh bilan ko‘pchilik mahsulotlarga tariflarni 15 foiz bilan cheklash bo‘yicha kelishuvga erishgan edi. Biroq, bu kelishuv raqamli xizmat solig‘ini o‘z ichiga olmagan. Tramp Yevropa Ittifoqini kelishuvga rioya qilmaslikda ayblab, 4-iyulgacha yangi muddat belgilagan.

Trampning so‘nggi postida 100 foizlik javob tarifi “imzolangan yoki imzolanmagan” har qanday kelishuvni bekor qilishi va darhol kuchga kirishi ta’kidlangan.

Source: www.aljazeera.com