Isroil va uning g‘arb ittifoqchlari uch yil davomida G‘azoda tinchlikka to‘siq sifatida Hamas hukumatini ko‘rsatib kelgan edi. Endi esa Hamas G‘azo boshqaruv organini tarqatib, AQSh tomonidan qo‘llab-quvvatlanadigan Falastin Milliy Qo‘mitasiga fuqarolik boshqaruvini topshirishga tayyorligini e’lon qildi.

Taklif etilgan “texnokratik hukumat” muhandislar, iqtisodchilar, huquqshunoslar kabi mutaxassislardan iborat bo‘lishi, Hamas rasmiylari kirmasligi kerak. Biroq darhol yangi shartlar paydo bo‘ldi: qurolsizlantirish masalasi endi asosiy talab sifatida ilgari surilmoqda.

Bu holat tanish naqshni takrorlaydi: 2006 yilda Hamas saylovda g‘alaba qozonganda, xalqaro hamjamiyat natijalarni rad etgan edi. Endi har bir yangi formula bilan yangi shartlar paydo bo‘lmoqda. Asl savol: Falastinlarni kim vakillik qilishga haqli?

Isroil rejimi G‘azoda harbiy nazoratni saqlab qolmoqda, chegaralar, havo va dengiz yo‘llarini nazorat qiladi. Texnokratik hukumat faqat yordam tarqatish va rekonstruksiya bilan shug‘ullanishi mumkin, ammo haqiqiy hokimiyatga ega bo‘lmaydi.

Muammo Hamasda emas, balki Falastinlarning o‘z taqdirini belgilash huquqining tan olinmasligidadir. Agar yangi shartlar eskilari o‘rnini bossa, G‘azodagi siyosiy mojaro hal etilmaydi.

Source: www.aljazeera.com