Turkiya qirg‘oq xavfsizligi xizmatlari Istanbul janubi-g‘arbidagi Marmara dengizida yuk kemasi bilan boshqa kema to‘qnashuvi oqibatida bedarak yo‘qolgan kema va uning 10 kishilik ekipajini qidirishmoqda.

Istanbul gubernatorligi bayonotiga ko‘ra, Turkiya bayrog‘i ostidagi “Tugberk Imamoglu” kemasi Iskenderundan Qoradengizdagi Karadenizeregli portiga yo‘l olgan va mahalliy vaqt bilan soat 03:00 atrofida (GMT 00:00) Istanbulning Silivri tumani yaqinida Turkiya bayrog‘i ostidagi “Alsu” kemasi bilan to‘qnashgan.

Gubernatorlik matbuot xizmati “Tugberk Imamoglu” kemasi va uning 10 kishilik ekipaji bilan aloqa o‘rnatish hozircha imkonsizligini ma’lum qildi. Qidiruv ishlariga qirg‘oq xavfsizligi kemalari va vertolyot jalb etilgan.

Bayonotda kimyoviy tanker bo‘lgan “Alsu” kemasi to‘qnashuvdan zarar ko‘rmagani ta’kidlangan. Voqea sabablari va tafsilotlari aniqlanmoqda, qidiruv ishlari davom etmoqda.

Source: www.dw.com