Подробно.уз нашрнинг хабар беришича, «Олтин тўп»нинг беш карра совриндори, португалиялик ҳужумчи Криштиану Роналду ҳозирда ўзи ўйнаётган Саудия Арабистонининг «Ал-Наср» футбол клубини сотиб олишни режалаштирмоқда.

DAZN Portugal нашри манбасига кўра, 41 ёшли футболчи клубни харид қилиш бўйича таклифни яна 4 нафар инвестор билан биргаликда тайёрламоқда. Келишув иштирокчиларининг ҳар бири жамоани сотиб олиш учун камида 92 миллион евро сарфлаши кутилмоқда.

Роналду «Ал-Наср»да 2022 йил декабридан буён тўп сурмоқда. Ўз профессионал фаолияти давомида у Лиссабоннинг «Спортинг», Англиянинг «Манчестер Юнайтед», Испаниянинг «Реал Мадрид» ва Италиянинг «Ювентус» клубларида ҳам ўйнаган.

Португалиялик футболчи ўйинлари давомида 5 марта Чемпионлар лигасида ғалаба қозонган, 1 марта Европа чемпиони бўлган ва 2 марта Миллатлар лигасида зафар қучган. Бундан ташқари, у миллий терма жамоалар, Европа чемпионатлари, Чемпионлар лигаси ва Клублар жаҳон чемпионати тарихидаги энг яхши тўпурар бўлиш рекордини сақлаб келмоқда.

Source: podrobno.uz