Slovakiyaning shimoli-g'arbiy qismida joylashgan Staskov qishlog'ida 13 yoshli boshlang'ich sinf o'quvchisi 61 yoshli ayol o'qituvchini pichoqlab o'ldirdi. Bu haqda mahalliy rasmiylar xabar berdi.
Favqulodda xizmatlar vakili Petra Klimesovaning AFP agentligiga ma'lum qilishicha, seshanba kuni sodir bo'lgan hujum natijasida 44 yoshli ayol o'qituvchi va bir qiz o'quvchi ham og'ir yaralangan. Sog'liqni saqlash vaziri Kamil Sasko jurnalistlarga qizaloqning ahvoli "og'ir, kritik" ekanligini aytdi.
Ichki ishlar vaziri Matus Sutaj Estok Staskovda bo'lib o'tgan matbuot anjumanida ko'krak qafasidan pichoqlangan ikkinchi o'qituvchining hayoti xavf ostida emasligini ma'lum qildi. Hujumning sabablari hozircha noma'lum.
Politsiya hujumchini hibsga olganini va u "qasddan odam o'ldirish" moddasi bo'yicha Uyushgan jinoyatchilikka qarshi kurash boshqarmasi (UBOK) tomonidan tergov qilinayotganini bildirdi. Huquqni muhofaza qilish organlarining ta'kidlashicha, aholisi 2750 kishidan iborat qishloqdagi vaziyat "nazorat ostida".
Sutaj Estok voqea joyida bo'lgan maktab direktorini maqtab, "u mavjud qo'llanmalarda ko'rsatilgan barcha tartib-qoidalarga qat'iy rioya qilib, fojianing yanada og'irlashishini oldini oldi", dedi. Bosh vazir Robert Fico "chin dildan hamdardlik" bildirib, "Staskov qishlog'idagi fojiali voqeani katta tashvish bilan kuzatib bormoqdaman" dedi. "Shaxsan men bundan juda qayg'urdim", deya qo'shimcha qildi u.
Prezident Peter Pellegrini "bu o'quvchining o'qituvchilar va sinfdoshiga hujum qilgan yana bir holat ekanligidan hayratda" ekanligini aytdi. "Asosan ijtimoiy tarmoqlar va afsuski, ba'zi siyosatchilar tomonidan tarqatilayotgan tajovuzkorlik va murosasizlik muhiti jamoat sohasini zaharlab, maktablardagi bolalarimizning xulq-atvoriga ta'sir qilmoqda", dedi u. U "barcha fuqarolarni vaziyatni yanada radikallashtirish o'rniga, tinchlantirishga qaratilgan harakatlarga chaqirdi".
O'tgan yili Slovakiyaning shimolida o'rta maktabda 18 yoshli o'quvchi 51 yoshli direktor o'rinbosari va 18 yoshli o'quvchini pichoqlab o'ldirgan edi. 2020-yilda 22 yoshli sobiq o'quvchi Vrutki shahridagi o'rta maktabga hujum qilib, direktor o'rinbosarini o'ldirgan va ikki o'quvchi jumladan besh kishini yaralagan. 2022-yilda Novaki shahridagi o'rta maktabda o'quvchi qizga hujum qilib, uni yaralagan.
Source: www.aljazeera.com