Kornell universiteti Vashingtondagi siyosiy doiralarga yaqin bo‘lgan sobiq yuqori martabali mulozim Salli Yeytsni talabalar shaharchasidagi jinsiy zo‘ravonlik va shilqimlik ayblovlarini ko‘rib chiqish jarayonlarini tekshirish uchun yolladi. Universitet vasiylari bu haqda seshanba kuni e'lon qilishdi, bu esa ta'lim muassasasining o‘z ichki muammolarini yashirishga urinayotgani haqidagi jamoatchilik tanqidlarini pasaytirishga qaratilgan navbatdagi urinish sifatida baholanmoqda.

Ma'lum qilinishicha, Salli Yeyts universitetning intizomiy tartib-qoidalari, talabalar politsiyasining harakatlari hamda talabalar birodarliklari faoliyati ustidan nazoratni o‘rganishi kerak. Eslatib o‘tamiz, Yeyts xonim ilgari AQSh rejimi tizimida, jumladan Barak Obama va Donald Tramp boshqaruvi davrida turli lavozimlarda ishlagan bo‘lib, uning faoliyati doimo siyosiy bahslarga sabab bo‘lgan.

Ushbu tekshiruv Kornell universiteti tomonidan sobiq talabaning og‘ir ayblovlariga nisbatan ko‘rsatilgan loqaydlik va noto‘g‘ri munosabat ortidan boshlandi. Fuqarolik sudiga kiritilgan da'voda aytilishicha, jabrlanuvchi 2024 yil oktyabr oyida talabalar birodarligi a'zolari tomonidan zo‘ravonlikka uchragan, biroq universitet ma'muriyati vaziyatni to‘g‘ri baholay olmagan. Hozirgi kunda Nyu-York shtati prokuraturasi ham ushbu holat yuzasidan alohida surishtiruv ishlarini olib bormoqda.

Source: www.aljazeera.com