Britaniyaning MI5 ichki xavfsizlik xizmati rahbari Ken Makkallum seshanba kuni bayonot berib, Eron rasmiylari Birlashgan Qirollik va boshqa hududlarda muvofiqlashtirilayotgan gibrid hujumlar ko‘lamini kengaytirib borayotganini da'vo qildi. Uning yillik xavfsizlik hisobotida aytilishicha, joriy yilda asosiy o‘zgarish sifatida Eronning harbiy ob'ektlar kabi qattiqroq nishonlarga intilish kuchaygani kuzatilmoqda.

Ushbu ogohlantirish Britaniya rejimi Bosh vaziri Endi Bernemning so‘nggi bayonotlaridan so‘ng yangradi. Ma'lum qilinishicha, AQSh bombardimonchi samolyotlari joylashgan Fairford havo bazasida sodir etilgan ehtimoliy jinoyat ortida Eron turgani va bu harakatlar go‘yoki Tehron tomonidan muvofiqlashtirilgani aytilmoqda. O‘tgan hafta AQSh ushbu bazadan o‘nlab uzoq masofaga uchuvchi bombardimonchi samolyotlarini olib chiqib ketgan edi.

Makkallumning so‘zlariga ko‘ra, bunday hodisalar yakkam-dukkam emas va Tehron faqatgina chet elda yashovchi dissidentlarni emas, balki media tashkilotlari hamda yahudiylarga tegishli obyektlarni ham nishonga olmoqda. Shuningdek, so‘nggi bir yil ichida Britaniyada Eron bilan bog‘liq operatsiyalar doirasida 50 dan ortiq kishi hibsga olingani, biroq portlovchi dronlardan foydalangan holdagi murakkab hujumlarni amalga oshirish imkoniyati jinoiy guruhlarning quyi darajadagi imkoniyatlari tufayli cheklangani ta'kidlandi.

Britaniya tashqi ishlar idorasi rahbari Ed Miliband Eron elchisi chaqirtirilganini va mamlakat hududidagi hujumlarga yo‘l qo‘yilmasligi qat'iy bildirilganini ma'lum qildi. Shu bilan birga, britaniyalik amaldorlar Tehron va uning Inqilobiy gvardiyasiga qarshi sanksiyalar yanada kengaytirilishini da'vo qilmoqda.

Source: www.dw.com