Bog‘dodning yirik ulgurji bozorlaridan biri bo‘lgan Jamila bozoridagi kichik idorasida xavotir bilan o‘tirgan oziq-ovqat savdogari Hamza al-Rudayni kelajak nima olib kelishini kutmoqda. Iroq hukumati milliy valyuta — dinarning AQSh dollariga nisbatan qiymatini tushirish haqida qabul qilgan qarori uning kabi tadbirkorlarni kutilmagan zarbalar va noaniqliklar qarshisida qoldirdi.

Al-Rudayni Al Jazeera nashriga bergan intervyusida valyuta devalvatsiyasi uning jamg‘armalaridagi dollarlik qiymatni kamaytirib, import qilinadigan mahsulotlarni sotib olish imkoniyatini cheklab qo‘yganini aytdi. Uning so‘zlariga ko‘ra, bir necha kun ichida u 25 million Iroq dinarini yo‘qotgan, yirik savdogarlar esa milliardlab mablag‘dan ayrilgan.

Baholarning keskin tebranishi sababli savdogarlar vaziyat barqarorlashguncha oldi-sotdi jarayonlarini to‘xtatib turishga majbur bo‘lmoqda. Muammoning tub ildizi shundaki, savdogarlar tovarlarni dollarda sotib olib, qoidalarga ko‘ra ularni faqat dinarda sotishga majbur, devalvatsiya esa mahalliy valyutadagi xarajatlarni keskin oshirib yuborgan.

Iroq hukumati oktabr oyida AQSh rejimining Eron va uning atrofidagi harakatlari keltirib chiqargan neft eksporti muammolari fonida yuzaga kelgan moliyaviy inqirozni yumshatish uchun yangi rasmiy kursni joriy etdi. Iroq Markaziy banki naqd savdolar uchun kursni 1,520 dinar etib belgiladi. Ushbu qadam hukumatga byudjet xarajatlari, jumladan, davlat xizmatchilarining oyliklarini qoplash uchun yordam berishi aytilmoqda.

Source: www.aljazeera.com