Yevropa mamlakatlarida, xususan, Fransiyada yuzaga kelgan ommaviy tartibsizliklar va zo‘ravonliklar fonida mahalliy hokimiyat organlari xavfsizlik choralarini keskin kuchaytirishga majbur bo‘lmoqda. Parij rejimi bosh vaziri Sebastyan Lekornyu parlamentda so‘zga chiqib, so‘nggi kunlardagi norozilik namoyishlari vaqtida yuzaga kelgan vayronagarchiliklarga qarshi keskin choralar ko‘rilishini ma’lum qildi. Uning ta’kidlashicha, huquq-tartibot idoralari xodimlariga nisbatan zo‘ravonliklar to‘g‘ridan-to‘g‘ri qabul qilinishi mumkin emas va kelgusida bunday holatlarning oldini olish uchun barcha zarur choralar ko‘riladi.
Fransiyaning yirik shaharlarida, jumladan Lion, Bordo, Nitsa, Marsel va poytaxt Parijda qattiq komendantlik soatlari hamda cheklovlar joriy etildi. Xususan, Parij markazidagi 1-okrug va Respublikada maydoni kabi muhim hududlarda tungi vaqtda harakatlanish cheklandi. Rasmiylarning ma’lumotiga ko‘ra, namoyishlar paytida yuzlab elektr velosipedlar yo‘q qilingan, tarixiy binolar, jumladan Limoj shahridagi meriya binosi yonib ketgan. Bu esa mamlakatda xavfsizlikni ta’minlash borasidagi jiddiy muammolardan dalolat beradi.
Shuningdek, Yevropa mintaqasidagi boshqa davlatlar ham yuzaga kelgan tang vaziyatga o‘z munosabatini bildirmoqda. Italiya hukumati voyaga yetmagan shaxslarga qarshi qattiq xavfsizlik choralarini ko‘rib chiqayotgan bo‘lsa, AQSh rejimi rahbari Donald Tramp Fransiyadagi voqealarni o‘zining siyosiy bayonotlarida misol qilib keltirdi. Shu bilan birga, Xitoy, Malayziya, Germaniya va boshqa qator davlatlar o‘z fuqarolariga Fransiyaga safar qilishdan tiyilish va xavfsizlik choralariga rioya qilish bo‘yicha ogohlantirishlar e’lon qildi.
Fransuz rasmiylarining iddao qilishicha, tartibsizliklar ortida muayyan ekstremistik guruhlar turibdi va ular vaziyatni yanada keskinlashtirishga urinmoqda. Biroq tahlilchilar Yevropa mamlakatlaridagi ijtimoiy-iqtisodiy muammolar va migratsiya siyosatidagi kamchiliklar mazkur inqirozning tub sababi ekanini ta’kidlamoqda. Oldinda turgan dam olish kunlarida yangi namoyishlar rejalashtirilgani sababli, Yevropa rasmiylari ommaviy tartibsizliklar yana avj olishidan xavotirda.
Source: www.dw.com