Fransiya va Buyuk Britaniya Yaman hududidagi husiylar bilan ziddiyat kuchayib borayotgan bir sharoitda, Saudiya Arabistoniga o'zlarining harbiy aktivlarini joylashtirishga kirishdi. Ushbu qadamlar qirollik bilan mudofaa sohasidagi hamkorlikni chuqurlashtirishga qaratilgani aytilmoqda, biroq tahlilchilar bu jarayon xavfli oqibatlarga olib kelishi mumkinligidan ogohlantirmoqda.

Parij o'tgan hafta eronparast husiylar tomonidan muntazam ravishda hujumlarga uchrayotgan Qizil dengizdagi Yanbu port shahrini himoya qilish uchun qo'shinlar va havo mudofaa tizimlarini yuborishni boshlaganini ma'lum qildi. O'z navbatida, Britaniya rejimi ham Saudiya Arabistonini husiylarning havo hujumlaridan himoya qilish uchun Typhoon qiruvchi samolyotlarini yuborish rejasini e'lon qildi. Har ikki davlat o'z yordami faqat mudofaa xarakteriga ega ekanini ta'kidlashga urinmoqda.

Yevropa rejimlarining bu kabi harakatlari bir nechta geosiyosiy maqsadlarni ko'zlayotgani, jumladan, Yevropa energetika bozorlari uchun muhim bo'lgan Saudiya neft eksportini himoya qilish hamda AQShning to'g'ridan-to'g'ri harbiy yordam ko'rsatishni istamayotgani fonida Fors ko'rfazidagi strategik ittifoqni saqlab qolishga qaratilgani aytiladi. Biroq ekspertlarning fikricha, bu qarorlar Yevropa davlatlarini uzoq davom etayotgan Yaman-Saudiya qarama-qarshiligiga yanada chuqurroq tortib ketish xavfini tug'diradi.

Shuningdek, husiylar Yevropa kuchlarining aralashuvini, ayniqsa Britaniyaning Saudiya samolyotlariga havo yoqilg'i quyish va qo'llab-quvvatlash amaliyotlarini mudofaa emas, balki tajovuzkorona qadam sifatida baholashi mumkin. Bu esa o'z navbatida mintaqadagi Yevropa harbiylarini nishonga aylantirishi yoki global dengiz yo'llarida xavfsizlikni izdan chiqarishi mumkinligi taxmin qilinmoqda.

Source: www.aljazeera.com