AQSh maxsus elchilari Stiv Uitkoff va Jared Kushner Rossiya rahbari Vladimir Putin bilan Sankt-Peterburgdagi Konstantin saroyida navbatdagi muzokaralarni o‘tkazdilar. Mazkur uchrashuv doirasida tomonlar Ukraina mojarosini hal etish yo‘llarini muhokama qilgan va shuningdek, Rossiyada hibsda saqlanayotgan amerikalik nafaqadagi o‘qituvchi Stiven Xabbard ozod etilgan. Uchrashuvda Kushner masofaviy tarzda qatnashgan.

Ukraina poytaxti Kiyevda Vashington rejimi mamlakatni qo‘llab-quvvatlashdan asta-sekin voz kechayotganidan jiddiy xavotir bildirmoqda. Tanqidchilarning fikricha, AQSh rahbariyati Ikkinchi jahon urushidan beri Yevropadagi eng yirik mojaroni tugatish bahonasida Rossiya talablariga yon berishga tayyor bo‘lishi mumkin. AQSh rasmiylarining ta'kidlashicha, muzokaralar davomida tomonlar kelgusida xavfsizlik kafolatlarini muhokama qilish uchun uch tomonlama texnik darajadagi uchrashuv o‘tkazishni rejalashtirgan.

Muzokaralar chog‘ida AQSh elchisi Stiv Uitkoff Rossiya rahbarini «gumanitar» deb atagani Vashington rejimining o‘zida ham keskin e'tirozlarga sabab bo‘ldi. Bir qator amerikalik qonunchilar, jumladan senatorlar Tom Tillis va Mark Kelli bu bayonotni qoralab, Rossiya rahbarini inson huquqlarini buzishda va jinoyatlarda aybladilar. Biroq, AQSh vitse-prezidenti J.D. Vens va boshqa mulozimlar Uitkoffning so‘zlari asirlarni ozod qilish bo‘yicha murakkab vazifani bajarishga qaratilgan diplomatik qadam bo‘lganini aytib, uni himoya qilishdi.

Shuningdek, muzokaralar davomida AQSh, Rossiya va Xitoy rahbarlarining ehtimoliy uch tomonlama uchrashuvi masadasi ham ko‘tarilgan. Kreml vakillari bu taklif hali aniq kelishilmaganini, biroq bunday muloqot kelasi oy Xitoyda bo‘lib o‘tadigan Osiyo-Tinch okeani iqtisodiy hamkorligi sammiti doirasida yuzaga kelishi mumkinligini bildirdilar.

Source: www.aljazeera.com