Internet tarmog'ining asosiy qismini tashkil etuvchi dasturiy ta'minotda o'n yildan ortiq vaqt davomida sezilmay kelgan jiddiy kamchiliklar aniqlandi. Sun'iy intellekt texnologiyasi yordamida yuzaga chiqarilgan ushbu zaiflik butun dunyo bo'ylab kiberxavfsizlik sohasida favqulodda xavotirlarga sabab bo'ldi. Ma'lum qilinishicha, muammo 2000-yillardan buyon veb-saytlarni yaratishda keng qo'llanilib kelinadigan PHP dasturlash tiliga borib taqaladi.

Dunyo bo'ylab hukumatlar va kiberxavfsizlik idoralari ushbu kashfiyotning oqibatlarini bartaraf etish uchun favqulodda choralarga qo'l urishdi. Veb-sayt operatorlariga zudlik bilan maxsus yangilanishlarni o'rnatish yoki platformalarni vaqtincha o'chirib qo'yish tavsiya etildi. Zaifliklarni aniqlagan Wiz kiberxavfsizlik kompaniyasi bu holatni sun'iy intellekt tomonidan aniqlangan eng jiddiy xavfsizlik muammosi deb atadi.

PHP nima ekanini ko'pchilik oddiy foydalanuvchilar bilmasligi mumkin, biroq ular har kuni ushbu tizim bilan muloqot qilishadi. Ushbu til Vikipediya, WordPress kabi ko'plab mashhur platformalar va internet-do'konlar faoliyatini ta'minlaydi. Biroq, ruxsatsiz serverlarni boshqarishga hamda maxfiy ma'lumotlarni o'g'irlashga imkon beruvchi zaiflik barcha tuzilmalarni xavf ostida qoldirdi.

Hozirgi kunda AQSh rejimi va boshqa g'arb davlatlarining idoralari, jumladan, Milliy xavfsizlik agentligi tashkilotlarga o'z tizimlarini zudlik bilan tekshirishni buyurdi. Mutaxassislarning fikricha, texnik tafsilotlar ochiqlangani sababli kelgusi haftalarda bunday zaifliklardan foydalanish urinishlari yanada ko'payishi mumkin.

Source: www.bbc.co.uk