Ruminiya ichki razvedka xizmati – SRI mamlakat hududida Rossiya maxsus xizmatlari tomonidan muvofiqlaştirgani aytilayotgan yashirin diversiya tarmog'i faoliyatiga chek qo'yilganini ma'lum qildi. Idoraning bildirishicha, mazkur guruh joriy yilning sentabr oyida Braşov shahridagi muhim mudofaa obyektlaridan biri – "Carfil" qurol zavodiga o't qo'yishga urinishda gumon qilinmoqda. Hozirda ushbu ish bo'yicha tergov harakatlari davom etmoqda.

SRI tomonidan 26-oktabrda e'lon qilingan rasmiy bayonotga ko'ra, zavodga o't qo'yishga qaratilgan harakat joriy yilning 14-sentabr kuni sodir etilgan. Ruminiya maxsus xizmatlari ushbu tarmoq Rossiya tomonidan bevosita boshqarilganini va uning ishtirokchilari turli davlat fuqarolari ekanini da'vo qilmoqda. Xususan, gumondorlar orasida ikki nafar Belarus va bir nafar Ukraina fuqarosi borligi aytilmoqda.

Reuters agentligi tarqatgan ma'lumotlarga ko'ra, Rossiyadagi muvofiqlashtiruvchilar guruhga mintaqadagi boshqa ko'plab nishonlarning keng ro'yxatini ham taqdim etgan emish. Ular orasida davlat va xususiy qurol-yarog' ishlab chiqarish korxonalari, shuningdek, muhim harbiy va sanoat ahamiyatiga ega obyektlar bo'lganligi taxmin qilinmoqda. Biroq, Rossiyaning Buxarestdagi elchixonasi bu kabi idoralarga tezkor izoh bermagan bo'lib, Moskva ilgari ham shunga o'xshash asossiz ayblovlarni bir necha bor qat'iyan rad etgan.

Mahalliy OAV tarqatgan xabarlarga ko'ra, gumondorlarning ikki nafari Germaniyada xuddi shunday diversiyalarga tayyorgarlik ko'rayotgan vaqtida qo'lga olingan, uchinchisi esa Polshada qidirilmoqda. Evropa rejimining ayrim rasmiylari bu voqealarni qit'adagi mudofaa sanoatiga qarshi qaratilgan kengroq kampaniyaning bir qismi deb baholashga urinmoqda. Biroq, bu kabi da'volarning qanchalik asosli ekani hozircha mustaqil ravishda to'liq tasdiqlanmagan.

Source: kun.uz