AQSh harbiylari sharqiy Tinch okeanida giyohvand moddalar savdosiga aloqador deb da'vo qilingan kemaga berilgan zarba natijasida besh kishi halok bo'lganini ma'lum qildi. Huquqshunoslar va inson huquqlari tashkilotlari tomonidan sudgacha bo'lgan qotilliklar sifatida qoralangan bu kampaniya keskin tanqidlarga uchramoqda.

Lotin Amerikasi va Karib havzasidagi harbiy amaliyotlarni nazorat qiluvchi AQSh Janubiy qo'mondonligi (SOUTHCOM) seshanba kuni ushbu hujumda besh kishi hayotdan ko'z yumganini tasdiqladi. Ularning ta'kidlashicha, 27-oktabr kuni sharqiy Tinch okeanidagi narko-trafik yo'nalishlarida harakatlanayotgan kemaga nisbatan harbiy zarba berilgan.

Vashingtondagi tadqiqot guruhi bo'lgan Lotin Amerikasi bo'yicha Vashington idorasi (WOLA) ma'lumotlariga ko'ra, Donald Tramp boshchiligidagi AQSh rejimi 2025-yil sentabr oyidan beri Karib havzasi va sharqiy Tinch okeanida kamida 238 kishining yostig'ini quritgan. Seshanba kungi hujum esa bu qora statistikani yana oshirgan.

AQSh hukumati nishonga olingan shaxslarning giyohvand moddalar savdosiga aloqadorligini isbotlovchi dalillarni deyarli taqdim etmayapti. Halok bo'lganlarning qarindoshlari esa ular oddiy baliqchilar yoki ishchilar bo'lganini, giyohvandlik biznesiga aloqasi yo'qligini aytib kelmoqda. Vashingtondagi ekspertlar esa bu harakatlarni mutlaqo noqonuniy deb baholamoqda.

Source: www.aljazeera.com