O‘zbekistonda ekologik toza hududlar, jumladan kurort va rekreatsion zonalar uchun qoidalar qattiqlashtirildi. «Qo‘riqlanadigan tabiiy hududlar to‘g‘risida»gi qonunga kiritilgan o‘zgartishlarga ko‘ra, zararli ishlab chiqarishlar, tabiatga aralashish va ayrim turdagi plastmassa mahsulotlari taqiqlanadi.

Endi ekologik toza zonalarda ekotizim barqarorligini buzadigan, tabiiy landshaftni o‘zgartiradigan yoki yer osti suvlariga ta’sir ko‘rsatadigan har qanday ishlarni o‘tkazish taqiqlanadi. Shuningdek, atrof-muhitga salbiy ta’sir ko‘rsatadigan sanoat ob’ektlarini qurish va ulardan foydalanish ham taqiq ostiga olinadi.

Alohida norma sifatida ayrim plastmassa buyumlarini ishlab chiqarish, sotish va yetkazib berish cheklanadi. Ushbu ro‘yxatni Vazirlar Mahkamasi belgilaydi. Tabiiy organik polimerlardan tayyorlangan mahsulotlar bundan mustasno.

Bundan tashqari, davlat ekologik ekspertizasi natijalariga ko‘ra qo‘riqlanadigan tabiiy ob’ektlar va majmualarga zarar yetkazishi mumkin bo‘lgan har qanday faoliyat taqiqlanadi.

Hujjat rasmiy e’lon qilinganidan keyin uch oy o‘tgach kuchga kiradi. Eslatib o‘tamiz, O‘zbekistonda alohida qimmatli tabiiy ob’ektlarning rasmiy reyestri yaratiladi.

Source: podrobno.uz