O‘zbekistonda 2026 yil boshiga kelib, erkaklar ayollarga nisbatan biroz ko‘pchilikni tashkil qilmoqda. Milliy statistika qo‘mitasi ma’lumotlariga ko‘ra, har 1000 ayolga 1015 erkak to‘g‘ri keladi.

Umumiy aholi tarkibida erkaklar 50,4%, ayollar esa 49,6% ni tashkil qiladi. Biroq hududlar kesimida sezilarli farqlar kuzatilmoqda.

Eng katta nomutanosiblik Namangan viloyatida qayd etilgan: bu yerda har 1000 ayolga 1034 erkak to‘g‘ri keladi. Undan keyin Qashqadaryo (1029), Andijon (1027) va Navoiy (1026) viloyatlari turadi.

Surxondaryo viloyatida ko‘rsatkich 1025, Jizzax va Farg‘ona viloyatlarida 1019, Samarqandda 1016 ni tashkil qiladi. Nisbatan muvozanatli holat Qoraqalpog‘iston (1010), Sirdaryo (1009), Toshkent (1008), Buxoro (1006) va Xorazm (1004) viloyatlarida kuzatilmoqda.

Ayollar soni erkaklardan ko‘p bo‘lgan yagona hudud – Toshkent shahri: bu yerda har 1000 ayolga 966 erkak to‘g‘ri keladi.

Eslatib o‘tamiz, avvalroq Milliy statistika qo‘mitasi mamlakatdagi yangi nikohlar soni va yosh bo‘yicha ma’lumotlarni e’lon qilgan edi.

Source: podrobno.uz