Surxondaryo viloyatining Sariosiyo tumanida 13 yoshli qizning daryoda cho‘kib ketishi bilan bog‘liq fojiali hodisa yuz berdi.

Mahalla “Afrosiyob”da yashovchi qizni Tupolang daryosining kuchli oqimi olib ketgan. Qidiruv ishlari zudlik bilan boshlangan bo‘lsa-da, uni qutqarib qolishning iloji bo‘lmadi.

Marhumning jasadi ertasi kuni, 15 may kuni, daryoning quyi oqimida — Denov tumanidagi “Ittifoq” mahallasi hududida topilgan.

Sud-tibbiy ekspertiza xulosasiga ko‘ra, o‘lim nafas yo‘llariga suv kirishi — mexanik asfiksiya natijasida yuz bergan.

Hozirda Sariosiyo tuman prokuraturasi hodisaning barcha holatlarini aniqlash uchun tekshiruv olib bormoqda.

Eslatib o‘tamiz, avvalroq Chirchiqda o‘smir to‘pni daryodan olishga urinib cho‘kib ketgan edi.

Source: podrobno.uz