Andijon viloyatida kuchli yomg‘irdan so‘ng sel oqimi tushib, uysiz hayvonlar boshpanasi hududiga zarar yetkazdi. Dastlabki ma'lumotlarga ko‘ra, suv oqimi boshpana devorlarini buzib, xo‘jalik inshootlarini qisman vayron qilgan.

Hodisa oqibatida boshpana infratuzilmasi jiddiy shikastlangan. Hozirda Favqulodda vaziyatlar vazirligi xodimlari hududni tozalash va suv toshqini oqibatlarini bartaraf etish ishlarini olib bormoqda.

Zararni baholash va tiklash ishlari davom etmoqda. Eslatib o‘tamiz, avvalroq O‘zbekistonda 11 ta davlat hayvonlar boshpanasidan iborat yagona tarmoq yaratish tashabbusi ilgari surilgan edi.

Source: podrobno.uz