Misrning Giza shahrida bo‘lib o‘tgan boks kechasida o‘zbekistonlik bokschi Shahram Giyasov (yarim o‘rta vazn toifasi) britaniyalik Jek Katterall bilan WBA Regular chempionlik kamari uchun jang qildi.

12 raundlik jang yakunida hakamlar britaniyalik sportchiga 118-109, 119-108 va 116-111 hisobida g‘alaba berdi. Birinchi raundda Giyasov nokdaunga uchdi.

Zarbalar statistikasiga ko‘ra, Katterall 551 zarbadan 219 tasini aniq yo‘llagan (40%), Giyasov esa 366 zarbadan 78 tasini (21%) nishonga yetkazgan. Kuchli zarbalar bo‘yicha ham britaniyalik 98:55 hisobida oldinda.

Bu mag‘lubiyat Giyasovning professional faoliyatidagi birinchi bo‘ldi. Ungacha 17 g‘alaba (10 nokaut) qayd etgan edi. Oxirgi jangini 2025-yil aprelida o‘tkazib, Franko Okamponi nokaut qilgan.

Jang oldidan Giyasov WBA reytingida birinchi, Katterall oltinchi o‘rinda edi. WBO reytingida esa Katterall birinchi, Giyasov 11-o‘rinda. 32 yoshli britaniyalik uchun bu 33-g‘alaba (2 mag‘lubiyat).

Source: podrobno.uz