Toshkent xalqaro aeroportiga 11 iyun kuni erta tongda AQShdan navbatdagi charter reysi kelib qo‘ndi. Samolyotda 24 nafar O‘zbekiston fuqarosi bo‘lib, ular Amerika migratsiya qonunchiligini buzganliklari uchun deportatsiya qilingan.

Samolyot taxminan soat 4:00 da qo‘ngan. Vatandoshlarning qaytarilishi ikki davlat vakolatli organlarining hamkorligi natijasida amalga oshirildi. Hamkorlik doirasida fuqarolarni identifikatsiya qilish, hujjatlarni rasmiylashtirish va xavfsiz tashishni ta’minlash bo‘yicha barcha zarur tartib-taomillar tezkorlik bilan bajarildi.

O‘zbekiston xorijdagi fuqarolarining huquqlarini himoya qilishga alohida e’tibor qaratgan holda, migratsiya masalalari bo‘yicha xorijiy hamkorlar bilan hamkorlikni davom ettirmoqda.

Bu so‘nggi vaqtlardagi birinchi bunday reys emas. Avvalroq AQShdan charter reysi bilan 26 nafar O‘zbekiston fuqarosi qaytarilgan edi. Ularning barchasi Amerika migratsiya qonunchiligini buzganliklari uchun deportatsiya qilingan.

Source: podrobno.uz