O‘zbekistonda 30 va undan ortiq yil oldin ishlab chiqarilgan avtomobillarni sotib olish va utilizatsiya qilish tizimini ishga tushirish rejalashtirilmoqda. Bu haqda Podrobno.uz agentligi xabar berdi.

Chiqindilarni boshqarish agentligi ma’lumotlariga ko‘ra, bunday avtomobillar bozor qiymati bo‘yicha baholanadi, egalaridan sotib olinadi va utilizatsiyaga yuboriladi. Yangi tizim zararli chiqindilarni kamaytirish, chiqindilar hajmini pasaytirish va metall, plastmassa, shisha hamda boshqa materiallarni qayta ishlashga qaytarishga yordam berishi kerak.

Eski avtomobil egalariga ikki xil hisob-kitob varianti taklif qilinadi. Birinchisi – O‘zbekistonda ishlab chiqarilgan yangi avtomobil sotib olishda dastlabki to‘lov uchun elektron vaucher. Ikkinchisi – vaucher summasini naqd pulda to‘lash.

Vaucherdan foydalanganda egasi yangi mashina sotib olishda chegirma olishi mumkin, qolgan qismini esa bir yildan ortiq muddatga bo‘lib to‘lashi mumkin. Shu bilan birga, eski avtomobilni o‘z vaqtida utilizatsiyaga topshirmaganlar uchun yillik ekologik kompensatsiya joriy etilishi rejalashtirilgan – 30 BHM miqdorida.

Avvalroq O‘zbekistonda 30 yoshdan oshgan avtomobil egalaridan ekologik kompensatsiya undirish taklif qilingani haqida xabar berilgan edi. Loyihaga ko‘ra, transport vositalarini utilizatsiya qilish tizimini bosqichma-bosqich joriy etish ko‘zda tutilgan.

Source: podrobno.uz