Nyu-Yorkdagi Tayms-skverda O‘zbekiston milliy terma jamoasining jahon chempionatidagi ilk ishtiroki va yangi mahalliy brendning taqdimotiga bag‘ishlangan video namoyish etildi.

Video Portugaliya terma jamoasiga qarshi uchrashuv arafasida namoyish qilindi. Futbolchilarning jahon chempionatidagi ishtiroki mamlakat sport tarixidagi muhim bosqich bo‘lib, davlat bayrog‘i va ona tilining Manxettenning asosiy maydonida yangrashi vatandoshlar tomonidan katta qiziqish bilan kutib olindi.

Xalqaro kampaniya tashabbuskori poytaxtdagi Damira Beverages Enterprise kompaniyasi bo‘ldi. Kompaniyaning mintaqaviy marketing direktori Kristina Usovaning ta’kidlashicha, ular uchun bu shunchaki katta ekranda paydo bo‘lish emas, balki butun mamlakat terma jamoa o‘yinlarini kuzatayotgan bir paytda Nyu-York markazida o‘zbek tilining yangrashi muhim edi.

Videoda, shuningdek, Oltinchi ichimlik brendi tanishtirildi. Bu yangi mahalliy brend bo‘lib, taniqli Toshkent 6-zavodi tarixidan ilhomlangan. Uning asosiy g‘oyasi – mahalliy ishlab chiqarish an’analarini zamonaviy va texnologik jihatdan qayta talqin qilishdir.

Mahsulot ishlab chiqarish kompaniyaning Toshkentdagi ilg‘or sanoat majmuasida yo‘lga qo‘yilgan. Sifat nazorati to‘liq siklni – xomashyo tekshiruvidan tortib, ko‘p bosqichli suv tayyorlash, avtomatlashtirilgan quyish va tayyor partiyaning laboratoriya sinovlarigacha qamrab oladi.

Futbol terma jamoasining sport yutuqlari mamlakatning eng yangi tarixiga yozilgan bo‘lsa, Tayms-skverdagi yorqin namoyish O‘zbekistonning global miqyosda o‘zini tobora ishonchli namoyon qilayotganining yana bir tasdig‘idir.

Source: podrobno.uz