Toshkent va Qozon o'rtasida yana bir to'g'ridan-to'g'ri aviaqatnov yo'lga qo'yilmoqda. 18 iyuldan boshlab yo'lovchilar ushbu yo'nalishda to'xtovsiz parvoz qilish imkoniyatiga ega bo'ladilar.

Yangi reyslar haftada ikki marta amalga oshiriladi. Toshkentdan Qozonga parvozlar seshanba va shanba kunlari, Qozondan Toshkentga esa dushanba va juma kunlari rejalashtirilgan. Parvoz vaqti taxminan 3 soat 30 daqiqani tashkil etadi.

Ushbu yo'nalishni Nordwind Airlines aviakompaniyasi ochmoqda va Toshkent aeroportining xalqaro reyslar tarmog'ini kengaytirmoqda. Hozirda Qozonga parvozlarni Uzbekistan Airways, Centrum Air, FlyOne Asia va UVT Aero ham amalga oshirmoqda.

Yangi marshrut O'zbekiston va Tatariston o'rtasidagi transport va turistik aloqalarni mustahkamlashi, shuningdek, sayohat, ish uchrashuvlari va yaqinlarga tashrif buyurish imkoniyatlarini kengaytirishi kutilmoqda.

Avvalroq Toshkent va Bag'dod o'rtasida to'g'ridan-to'g'ri reyslarni yo'lga qo'yish mumkinligi haqida xabar berilgan edi.

Source: podrobno.uz