O‘zbekistonda elektromobillar soni o‘sishda davom etmoqda. Milliy statistika qo‘mitasi ma’lumotlariga ko‘ra, joriy yilning 1 aprel holatiga ko‘ra, mamlakatda 109,2 ming elektromobil ro‘yxatga olingan. Ularning 70 foizdan ortig‘i Toshkent shahriga to‘g‘ri keladi.

Mutlaq yetakchi poytaxt hisoblanadi — Toshkentda 79 851 elektromobil mavjud. Toshkent viloyati 8 194 ko‘rsatkich bilan ikkinchi o‘rinda, Samarqand viloyatida esa 4 525 elektromobil ro‘yxatga olingan.

Boshqa hududlarda ko‘rsatkichlar ancha past. Xorazm viloyatida 3 mingdan biroz ko‘proq, Qashqadaryoda 2 611, Farg‘onada 2 231, Navoiyda 1 756, Buxoroda 1 685, Andijonda 1 477, Namanganda 1 156 elektromobil bor.

Qoraqalpog‘istonda elektromobillar soni mingdan oshgan, Sirdaryoda 799, Jizzaxda 517, eng past ko‘rsatkich Surxondaryoda — 315 dona.

Avvalroq, O‘zbekistonda elektromobil egalariga zaryadlash xarajatlarining bir qismini byudjet mablag‘lari hisobidan qoplash rejalashtirilayotgani xabar qilingan edi. Davlat, agar stansiyada bir kilovatt-soat narxi 300 so‘mdan oshsa, farqni qaytarib berish niyatida.

Source: podrobno.uz