O‘zbekistonda qisqa muddatli nisbatan salqin ob-havodan so‘ng yoz jaziramasi qaytadi. Sinoptiklarning prognoziga ko‘ra, 6-11 iyul kunlari havo harorati asta-sekin 40-42 darajagacha ko‘tariladi.

Bu hafta O‘zbekiston hududida kam bulutli, yog‘insiz ob-havo saqlanadi. Qisqa muddatli momaqaldiroqli yomg‘irlar faqat tog‘ oldi va tog‘li hududlarning ayrim joylarida bo‘lishi mumkin.

Harorat asta-sekin iyul oyiga xos qiymatlarga ko‘tariladi. Bugun kunduzi havo 34-37 darajagacha isiydi, keyingi kunlarda esa kunduzgi harorat 37-40 darajani tashkil qiladi. Shimol, janub va cho‘l zonasida eng issiq ob-havo kutilmoqda – 39 dan 42 darajagacha.

Sharq shamoli sekundiga 7-12 metr tezlikda esadi, ayrim joylarda uning kuchayishi sekundiga 15 metrgacha yetishi mumkin. Ayrim hududlarda changli to‘zon bo‘lishi ehtimoli bor.

Toshkentda 6-11 iyul kunlari ham kam bulutli, yog‘insiz ob-havo kutiladi. Sharq shamoli sekundiga 3-8 metr, ayrim joylarda 10-12 metrgacha kuchayishi mumkin.

Bugun va ertaga kunduzgi havo harorati 35-38 darajani tashkil qiladi, keyin asta-sekin 38-40 darajagacha ko‘tariladi. Kechasi 22-25 daraja iliq bo‘ladi.

Source: podrobno.uz