2024-yilda Toshkent shahrining Mirabod tumani, Taras Shevchenko ko‘chasida hududni zamonaviy turistik zonaga aylantirish bo‘yicha keng ko‘lamli ishlar boshlandi.

Tuman hokimligi matbuot xizmati xabariga ko‘ra, hozirda poytaxt aholisi va mehmonlari uchun zamonaviy infratuzilma va qulay muhit yaratish loyihasi doirasida qurilish-rekonstruksiya ishlarining 3-bosqichi boshlangan.

Xususan, ishlar taxminan 400 metr uzunlikdagi uchastkani — Taras Shevchenko va Fidokor ko‘chalari kesishmasidan Taras Shevchenko va Shahrisabz ko‘chalari kesishmasigacha bo‘lgan qismini qamrab oladi.

Tasdiqlangan rejaga muvofiq, demontaj ishlari olib borilmoqda va betonlash ishlarini boshlashga tayyorgarlik ko‘rilmoqda.

Qurilish-rekonstruksiya ishlarini joriy yil oxirigacha yakunlash rejalashtirilgan.

Source: uznews.uz