O‘zbekiston mahallalarining byudjetiga tushumlar joriy yilda 1,6 trillion so‘mga yetishi kutilmoqda, kelgusi yildan esa bu ko‘rsatkich 2 trillion so‘mga oshadi.

Dastlab 2026-yilda mahalla byudjetlarida 600 milliard so‘m qolishi rejalashtirilgan edi. Biroq iyun oyida prezident farmonlari bilan yer solig‘i va mol-mulk solig‘ining mahallalarda qoladigan ulushi 10 foizdan 15 foizga oshirildi.

Bundan tashqari, sanitariya me’yorlarini buzish va noqonuniy qurilish uchun jarimalarning 10 foizi mahalla byudjetlariga yo‘naltiriladi. Shuningdek, mahallalarga 5 ming kvadrat metrgacha bo‘lgan bo‘sh binolarni mustaqil sotishga ruxsat berildi. Bu ularga qo‘shimcha 405 milliard so‘m olib kelishi kutilmoqda.

Yana bir daromad manbai – noturarjoy ob’ektlari egalari to‘laydigan yer va mol-mulk solig‘idir. Ushbu tushumlarning 5 foizi mahallalar ixtiyorida qoladi va bu yiliga yana 400 milliard so‘mni tashkil etadi.

Yil yakuniga ko‘ra, eng ko‘p tadbirkorni ro‘yxatdan o‘tkazgan, eng ko‘p ish o‘rni yaratgan, eng yuqori tushum ko‘rsatgan va qo‘shimcha soliq daromadlari topgan 200 ta mahalla har biri 2 milliard so‘mdan mukofot oladi.

Source: podrobno.uz