Buxoro viloyati hokimining moliya, iqtisodiyot va qashshoqlikni qisqartirish masalalari bo‘yicha birinchi o‘rinbosari, shuningdek viloyat iqtisodiyot va moliya boshqarmasi boshlig‘i Botir Ilxomovich Axmedov o‘z lavozimidan ozod etildi.

Yig‘ilishda ta’kidlanishicha, Buxoro viloyatidagi yillik aylanmasi 100 million so‘mdan ortiq bo‘lgan 162 korxona ketma-ket uch yil davomida zarar bilan faoliyat yuritib, natijada daromad solig‘idan bir tiyin ham to‘lamagan.

Bundan tashqari, 1,5 mingga yaqin Buxoro korxonasi qo‘shilgan qiymat solig‘ini (QQS) to‘lamagan, faqat QQS hisob-kitobi mexanizmidan foydalanish bilan cheklangan.

Eslatib o‘tamiz, Botir Axmedov ushbu lavozimni 2023 yildan buyon egallab kelayotgan edi.

Source: uznews.uz