Joriy yildan boshlab 11-sinf bitiruvchilari, imkoniyati cheklangan bo‘lsa ham, maxsus texnikumlarga o‘qishga kirib, zamonaviy kasblarni egallashlari mumkin. Bu ularga mustaqil mehnat faoliyatini boshlash imkonini beradi. O‘quv muassasalari Samarqand, Farg‘ona va Toshkent shaharlarida ochilgan.

Abituriyentlar uchun 37 yo‘nalish bo‘yicha 660 ta o‘rin ajratilgan. Bu yerda IT va dizayndan tortib, oshpazlik, zargarlik, tikuvchilik, sartaroshlik, elektromobillarga xizmat ko‘rsatish va OAV sohasida ishlash kabi talabgir kasblarni o‘rganish mumkin. Ta’lim kunduzgi shaklda olib boriladi.

Hujjatlar qabuli 10-avgustda boshlanib, 10-sentabrgacha davom etadi. Arizani my.edu.uz platformasi orqali onlayn topshirish mumkin.

Maxsus texnikumlarga imkoniyati cheklangan yoshlar, tibbiy-ijtimoiy ekspert komissiyasining tegishli xulosasi mavjud bo‘lsa, qabul qilinadi.

Mavjud kasblar va qabul shartlari haqida batafsil ma’lumot kasbedu.uz platformasida keltirilgan.

Bundan tashqari, 2027/2028 o‘quv yilidan boshlab imkoniyati cheklangan abituriyentlarga oliy o‘quv yurtlariga kirish imtihonlarini topshirishda qo‘shimcha vaqt beriladi. Bu vaqt belgilangan imtihon davomiyligining 50 foizini tashkil etadi.

Source: podrobno.uz