O‘zbekistonda tug‘ilish ko‘rsatkichi hozirgi pasayishdan so‘ng yana o‘sishni boshlashi kutilmoqda. “Oila va gender” institutining prognoziga ko‘ra, 2050-yilga borib mamlakatda har yili 1,23 millionga yaqin chaqaloq dunyoga kelishi mumkin.

Institut ma’lumotlariga ko‘ra, 2030-yilda 892,7 ming bola tug‘ilishi kutilsa, 2040-yilda bu ko‘rsatkich 1 milliondan biroz oshadi. 2050-yilga kelib esa tug‘ilish soni 1,23 millionga yetishi prognoz qilinmoqda.

Hozirgi vaqtda tug‘ilish ko‘rsatkichi pasaymoqda. 2023-yilda maksimal 962 ming bola tug‘ilgan bo‘lsa, 2025-yilda 879,6 ming tug‘ilish qayd etilgan. Institut 2026-yil yakuniga ko‘ra taxminan 800 ming chaqaloq tug‘ilishini kutmoqda.

Tug‘ilishning umumiy koeffitsienti ham avval pasayishda davom etadi, keyin esa o‘sishga qaytadi. 2030-yilda bu ko‘rsatkich 21,2 promille, 2040-yilda 20,8 promille, 2050-yilda esa 21,9 promille bo‘lishi kutilmoqda. Eng yuqori ko‘rsatkichlar Surxondaryo (24,7 promille) va Qashqadaryo (23,8 promille) viloyatlarida prognoz qilinmoqda.

Institut tug‘ilishning uzoq muddatli o‘sishini ta’minlaydigan aniq omillarni keltirmagan. Eslatib o‘tamiz, avvalroq 2025-yil yakuniga ko‘ra O‘zbekistonda qariyb 880 ming chaqaloq tug‘ilgani xabar qilingan edi.

Source: podrobno.uz