Toshkent shahridagi Invento the Uzbek International School maktabida bir martalik plastmassadan foydalanishni qisqartirish va yosh avlodda ekologik odamlarni shakllantirishga qaratilgan Plastic-Free Challenge ekologik tashabbusi rasman boshlandi. Ushbu loyihaning asosiy maqsadi bolalarga tabiatni asrab-avaylash oddiy kundalik harakatlardan boshlanishini amalda ko'rsatib berishdan iborat ekanligi aytiladi.

Tashkilotchilarning fikricha, ekologik madaniyatni bolalikdan boshlab singdirish muhim hisoblanadi. Shu sababli, Plastic-Free Challenge loyihasi maktabning ikkala kampusini, jumladan, 2 yoshdan 6 yoshgacha bo'lgan bolalar qamrab olingan Tashkent City Campus hamda 1-dan 12-sinfgacha bo'lgan o'quvchilar ta'lim oladigan Ashgabat Campus'ni birlashtirdi.

Loyihaning bosh vazifasi ekologik ongni asta-sekin odatga aylantirishdan iborat. Bunda bola plastikni shunchaki saralash kerakligini bilibgina qolmay, balki buni nima uchun qilish kerakligini va uning shaxsiy harakatlari atrof-muhitni saqlab qolishga qanday ta'sir qilishini tushunishi ko'zda tutilgan.

Tashabbusning muhim amaliy qismlaridan biri sifatida Invento kampuslari hududida plastik idishlar hamda alyuminiy bankalarni yig'ishga mo'ljallangan maxsus фандоматlar o'rnatildi. O'quvchilar ushbu qurilmalar yordamida qayta ishlash uchun mo'ljallangan mahsulotlarni maktab hududining o'zida topshirishlari mumkin.

Tadbir doirasida O'zbekiston Respublikasi Ekologiya va iqlim o'zgarishi milliy qo'mitasining vakillari, jumladan, chiqindilarni boshqarish va aylanma iqtisodiyotni rivojlantirish agentligining bosh mutaxassisi Umid Xolmatov hamda «BATAREYKALAR.UZ» loyihasi asoschisi Feruzbek Sayfullayev boshlang'ich sinf o'quvchilari bilan uchrashuv o'tkazdilar.

Source: uznews.uz