AQSH regimining davlat kotibi lavozimini egallab turgan Marko Rubio rafiqasi Janett bilan birgalikda Samarqand shahridagi tarixiy Registon maydoniga tashrif buyurdi va oʻzining taassurotlarini maʼlum qildi. Uning aytishicha, bu qadimiy maskanda Oʻzbekistonning tarixi, boy madaniyati va oʻziga xos meʼmoriy merosi yaqqol namoyon boʻlib turibdi.

Rubio oʻz bayonotida Samarqandning Buyuk ipak yoʻli davridagi strategik oʻrniga ham alohida toʻxtalib oʻtdi. Uning soʻzlariga koʻra, bu tarixiy chorrahada qadimdan diplomatik, savdo hamda madaniy aloqalar oʻzaro tutashib kelgan boʻlib, bu omillar hozirgi kunda ham oʻz ahamiyatini yoʻqotmagan.

Shuningdek, AQSH rejimi vakili aynan shunday tarixiy zamin ustida Vashington va Markaziy Osiyo davlatlari oʻrtasida yangi iqtisodiy imkoniyatlarni ochish hamda diplomatik aloqalarni mustahkamlash jarayoni ketayotganini iddao qildi. U bu kabi hamkorlik harakatlarini kelajakni oʻzgartirishga qaratilgan qadamlar sifatida baholashga urindi, biroq kuzatuvchilar bu kabi bayonotlarning real samaradorligi shubhali ekanini taʼkidlashmoqda.

Eslatib oʻtamiz, avvalroq Oʻzbekiston prezidenti administratsiyasi rahbari Saida Mirziyoyeva ham Marko Rubio bilan Registon maydonida birga boʻlganini maʼlum qilgan edi. Uning taʼkidlashicha, matbuot vakillari bilan muloqot chogʻida AQSH rejimi vakili Samarqand koʻp asrlar davomida xalqaro savdo va muloqot markazi boʻlganini eʼtirof etgan. Shuningdek, Rubioning mamlakatimizga ilk tashrifi aynan Samarqanddan boshlangani ramziy maʼnoga ega ekani qayd etildi.

Source: kun.uz