O'zbekiston mehnat bozorida kadrlar siyosatini takomillashtirish maqsadida Click kompaniyasi tajribali mutaxassislarni jalb qilish bilan bir қаtorda o'z ichki iste'dodlarini ham rivojlantirishga alohida e'tibor qaratmoqda. Ushbu maqsadga erishish uchun Young Wave va Build Not Buy deb nomlangan ikkita strategik loyiha muvaffaqiyatli amalga oshirilmoqda.

Young Wave loyihasi doirasida yetakchi oliy o'quv yurtlari bilan hamkorlik yo'lga qo'yilgan bo'lib, talabalarga amaliy bilimlar beriladi. Kompaniya xodimlari yoshlarga kontent yaratish va jamoat oldida chiqish qilish bo'yicha saboq berib, so'ngra ularga ustozlik qiladilar. Talabalar shartli o'quv vazifalari ustida emas, balki kompaniyaning real loyihalari ustida ishlaydilar. Dastur doirasida minglab arizalar kelib tushgan va ishtirokchilarning bir qismi allaqachon jamoaga qo'shilgan.

Ikkinchi muhim tashabbus — Build Not Buy deb nomlangan ichki o'sish va baholash tizimidir. U xodimlarga o'z kuchli tomonlarini ko'rish, konstruktiv fikr-mulohazalar olish va aniq qadamlardan iborat shaxsiy rivojlanish rejasini tuzish imkonini beradi. O'nlab xodimlar ushbu tizim yordamida lavozimini oshirgan yoki yangi yo'nalishlarda o'zini sinab ko'rgan.

Joriy yilning oktyabr oyida ushbu ikkala loyiha xalqaro EMBRAS mukofotining oltin medali bilan taqdirlandi. Young Wave «Yoshlar vektori» nominatsiyasida, Build Not Buy esa «Iste'dodlarni rivojlantirish» nominatsiyasida g'olib deb topildi. Mukofotlash marosimi Toshkent shahrida bo'lib o'tdi.

Kompaniyaning HR-direktori Yevgeniya Massinoning so'zlariga ko'ra, tashqi bozordan mutaxassislar jalb qilish bilan bir qatorda ichki jamoani rivojlantirish ham kompaniyaning barqaror kelajagi uchun muhim qadam hisoblanadi. Click rahbariyati ushbu yondashuvni kelgusida ham davom ettirish niyatida.

Source: www.uznews.uz